بيقولوا وطنيين

كان يامكان... زمان فيه حزب وطني وكمان كان فيه وحدات محليه والكل كان بيجري وراهم عايز يبقى عضوا مجلس او حزب وطني... ال أيه علشان يقدموا خدمات للأهالي والوطن.

والغرض الأصلي مصالح وتهليب وبلطجه وشلليه مالها اول من آخر... المهم قامت الثوره ووراها ثوره والكل قال ننضف ونغير اشكالنا علشان اللي جي غير اللي راح... وبالفعل عملوا أحزاب وانضموا ليها... صحيح الشكل من بره اتغير لكن العقول والالسنه لا بتتغير ولا بتتطهر 

وتشوف اللي متصدرين المشهد أصناف من البشر ماينفعوش الا لموقف سيارات او سوق خضار ياأخونا وبتوع المحليات اللي نهبوا من الغلابه وبقوا أصحاب أملاك تلاقيهم ليل ونهار بيهاجموا الحكومه وازاي المحافظ مايعملش كذا وكذا وكذا.... الله ماأنت ا كنتم في المناصب زمان ليه معملتوش اللي النهارده عليه بتصرخوا ... ولا عايزين تعرفونها انكم وطنيين.. والله زهقنها من اشكالكم القديمه وافكاركم العقيمه

ماتسيبوا ناس بتفهم وتحب بلدها بيفكروا بره الصندوق مع دعوتنا ليهم انهم ماتجلهمش عدوا من الأشكال القديمه