بطيخة حبنا

الحب عامل بالضبط زي البطيخه .. انت وحظك بقي يا تطلع حمرا ياتطلع قرعه 🍉

وفي الحالتين هتلبس صدقني 🤷

لكن أصعب أنواع البطيخ بقي هو اللي بتروح وتاخدها ع السكين وتشوفها حمره وملعلطه وتروح بيتك تلاقيها ماسخه زي الخيار 🥒وده بالضبط هو الحب من طرف واحد !!🐧

لازم دايما طرف بيبقي ماسك السكينه ويبدأ يدبح الطرف التاني بكل هدوء 🥀 هيقربك منه ويجذبك ناحيته بكل الطرق لحد ما يخليك تحبه 🔥

 وهووووب دبل كيك يقولك انت زي اخويه او اختي ؟! 😵طب والسهر ع الواتساب بالساعات 🧠والبلوزه الضيقه اللي زعقتلي عليها 👚وأصحابي اللي بعدتني عنهم 👭والبرفيوم اللي بحطه وكل التفاصيل الحلوه !! 🍧هو ف اخ بيقول لاخته يا بيبي 👾

في اللحظه دي بس هتحس بلسعة السكينه ⁦⚔️⁩بس علي قفاك.

نسكت !! نسيب حق قلبنا وقفانا اللي اتعلم عليه بالجامد !! لا لا هنجيب حقنا وهنجيبهم ع بوزهم بس بالطريقه💯

نبدأ الخطة اللي هنطلق عليها " االلهو الخفي "

الشخص اللي انت بتحبه ده وهو كارفك ومش معبرك .. متفكرش انه مش متعود ع وجودك زيك زييه بالضبط !
ولذلك هنبدأ مرحله الاختفاء المفاجيء مع قطع كل وسائل الاتصال⁦✌️⁩🚫

ما هو مش كله هشتكه بقي ولا ايه !!

الخطوه الاولي هنقفل التليفون فجأه طول اليوم .📴
الخطوه التانيه هنتأخر دايما في الرد علي النت او اي وسيلة اتصال💣
الخطوة الثالثه اتصل بيه ومتكملش الرنه وهوبا روح كلم حد تاني وخليك انتظار ساعتين بقي🚬
الخطوة الرابعه الانشغال في المواقف المهمه .. يعني لما يجي يقولك انا مضايق عاوز اتكلم معاك قول معلش هغسل المواعين واجيلك او عندي ميتنج مهم وهرجعلك 😏 وطبعا مترجعش ⁦✌️⁩
الخطوة الخامسه وهي الاهتمام المفاجيء الاوفر بنفسك وصور كتير بقي كتير كتير 😌

باختصار .. محدش بيحب اللي يجري وراه ويكون موجود عشانه طول الوقت 🕛

 الانسان بطبعه بيحب يبقي صياد 🙅ويجري ورا الحاجه لحد ما يتقطع نفسه ومجرد ما هيمسكها هيبدأ يدور ع فريسه جديده 🤷

ف بلاش نقع بسرعه سواء بنت او ولد 🤘

 خلوا دايما في جانب غامض 🤔

وبلاش جو الكتاب المفتوح ده 👎
حافظو علي قلوبكم وبلاش ترهقوها بمشاعر كتير متلخبطه ، واياك تبقي الفريسه وتسمح لحد انه يستغل مشاعرك لارضاء غروره 🚫 الحب مشاعر متبادله بين اتنين  😻 ميزان لو كفه منه اختلت هتتطربق علي دماغك 🔥

مشاعرك غاليه حافظ عليها ⁦❤️⁩

واوعي تسرقك السكينه وتخدعك البطيخه.