ازاي تكون انسان محبوب في ١٠ خطوات

إحدي العادات الخاطئة هي محاولة جعل الجميع يحبك ويعجب بك ؛ اعتقادا منك ان ذلك سيجعلك شخص ناجح وعظيم . ⁦✌️⁩
هل تعلم انه من المستحيل ان يتفق كل الأشخاص علي رأي واحد !❌

طيب باختصار وببساطة كده🤫 لو عشت حياتك وأنت مركز في انك عاوز كل الناس تحبك يبقي هتضيع سنين عمرك من ايدك وهتتحول لمريض نفسي بحب الشهره وانك عاوز تبقي محط اعجاب وسوبر ستار المجتمع .✅

بس مفيش مانع ان كلنا نحلم نكون محبوبين🤩 ده شيء فطري .. لكن خليك عارف ان صعب كل الناس تحبك🧐 وده مش معناه انك فيك عيوب ولكن ده معناه ان مش كل البشر ليها نفس الزوق 💯 ومش كل الناس صفاتها هتتوافق مع صفاتك .👌

ممكن تكون انت شخص جريء وبتحب السفر والرحلات⁦ ⛷️⁩ وانا شخص هادي بحب قعدة البيت 🧘ف مش هنتفق سوا ومش هنبقي أصحاب 👥 فـ لازم نتقبل فكرة أن مش كل الناس هتحبني .. بس ده مش معناه انهم بيكرهوني .🥀

ازاي أكون شخصية محبوبة ومقبولة في المجتمع :

شويه حاجات بسيطه نعملها بس من غير ما نضغط علي نفسنا لأن زي ما قولنا ده مش أهم حاجه ولا الأولوية في حياتنا .. لازم نستمتع ونعيش حياتنا لنفسنا مش لحد غيرنا .🤟

العشر خطوات السحرية :

•  خليك دايما علي طبيعتك وبلاش تكون انسان مصطنع .. متحاولش تظهر خفة دمك بشكل مبالغ فيه فتتقلب بواخه او تفاهه .🤪

• خليك إنسان .. اياك تجرح حد او تضغط علي مناطق ضعفه او تعايرة بوجعه مهما حصل بينكم من مشاكل .⁦⁦🤫

• خليك بير أسرار للكل ومهما كان السر صغير أو بسيط أوعي تطلعه لو بعد عشر سنين .🤐

• خليك موجود دايما في المواقف الصعبه في الحزن قبل الفرح .( ويابختك يا شدة ياللي بتعرفي العدو من الحبيب )🤕

•  خليك انسان مثقف عشان تقدر تتناقش مع كل الناس وانت فاهم .. اقرأ كتير في مجالات كتير ( فن وأدب ودين وعلم نفس وسياسة واقتصاد ) .😎

•  خلي صدرك دايما رحب وبلاش تكون انسان مجادل وقفوش .. رأيك مهم زي رأي غيرك ف بلاش تقلل من رأي أي حد أو تصمم بس علي رأيك من غير تفكير .. 🤬خلي عندك مساحة لتقبل أراء غيرك ولو حابب تفهم حد حاجه يبقي بكل أدب واحترام للأنسانيته .🤝

• من الاخر خليك انسان بطبيعتك وروحك الحلوه ومواقف الجدعنة واحترامك للغير وساعتها هتكون محبوب من كل اللي حواليك .. وزي ما قولنا اللي مش هيحبك مش معناه انه نقص منك او منه ولكن مجرد عدم توافق بينكم ..⁦✌️⁩
• متفرضش نفسك علي حد ومتتدخلش في خصوصيات حد الا لو هو حب يحكيلك 😶 مش لازم تعرف اللي قدامك ماله عشان تخفف عنه ⁦✌️⁩
• ابدي اعجابك بالحاجه الحلوة ، ولما تشوف حد عامل حاجه مش اد كده متجرحهوش انصحه وانت جابر بخاطره اصل النصيحه في العلن فضيحة ⁦✌️⁩
• متعينش نفسك قاضي علي الناس ومتحكمش علي حاجه متعرفهاش ومتحكمش علي حد اصلا ✅ لان دايما نص الحقيقه مبتكونش ظاهره في المواقف .

الخلاصة : 

عشان تبقي انسان محبوب لازم تحب الناس وتحب ليهم الخير ، اجبر خاطرهم وامدحهم وتجاوز عن عيوبهم وانصحهم باللين وخليك حيطه يتسندو عليها ف الشدة وايد تصقف وقت النجاح ⁦⁦⁦❤️⁩